拗颈无谓 忍手实际

猪拉多纳

　　大势所趋，並唔係代表绝对，总有可能吹逆风。正如数据，累积了某个基础，的确係有趋吉避凶效力，但唔係冇爆煲一日，当遇到那一刻，唯一举手投降，却不宜完全推翻之前信念。

　　攞个例子嚟讲，盃王大摩赢马多，手上已获44场头马，排在练马师榜第三位，可惜暂时为止，係得一匹「包装博士」可以打叠两场赢晒，其馀新胜马，再出冇隻连胜。若因循此摊路，季内点都悭番唔少注，就算季中才开始相信，迟到好过冇到！

　　梁家俊骑摩廐马表现曳

　　讲开大摩马房，目前用人之际，唔少骑师分到一杯羹，唯独梁家俊暂时未有着落，连同上周末「新力多」，今季合作21次仅获3殿，比起上季二人合作成绩，差距长过弥敦道，因上季获2冠4亚4季（上名率28%）。因咩事令成绩直插，原因何在？唔多了解，只知拗颈无谓，忍手最实际。

　　当然，例外个案在刚赛也有发生，原来前季至上周末，文廐与赖维铭17次合作，才有「靓好声」识上名。再数到对上一匹入围，已经係09年4月「新薪」。

　　基本上两人合作之马近乎盲门，除非日後加强合作之馀，亦有成绩交出，唔係的话，都係当睇唔到算嘞。

马会赛马节目主持 洪礼贤