挥之不去 豁然面对

猪拉多纳

　　早前看过一篇文章，内容大致係讲关於放唔放得低。正常情况下，拎得起，放得低，好大义澟然嘅道理，但已是知易行难之事。如果做到放低後，可以再拎番起嚟睇！那种豁然、超逸、看破世情心态，简直係冇得顶，未至於超凡入圣，亦近乎高僧嘅心眼。

　　点样看破世情？！经过历鍊係其中一步，但每个人就算面对同一项事情，本已有唔同程度参悟，所花日子长短亦不一，更会有人比较顽固，挥之不去，係都放唔低，好似打了地基，插了幾根「无忘」钢筋在脑袋，硬係成日记住，久不久便从脑部某处钻出来。

　　正如我们睇赛绩，有时冇话係咪留恋。A驹赛绩摆咗出嚟，人人可以参考，由於各人对该马睇法层面不一，了解程度及所持态度唔一样，打个比喻，放唔放得低该驹某次赛事中忽然神勇表现，亦会有唔同理论。

　　印度光辉追唔过

　　像上周末有出赛嘅「印度光辉」，今季经常有飞，独赢在十倍左右不下7、8场，前仗更成为大热门。

　　一匹7岁马令人难捨难离，某程度係放唔低之前步速慢仍有Q那场，但唔属於对与错问题，作为马迷嘅你和我，有权利去选择买咩马。不过，如该驹往後依旧没有起色，暂且放低一场半场或有另一番感受。

马会赛马节目主持 洪礼贤