加州动力转程啱数

猪拉多纳

　　第十场第三班1600米。「红山茶」及「喜来仙子」均有好感，可作双胆，如博WP，後驹或较安心。

　　「红山茶」之前能赢「自由万岁」、「精奇」，後两驹季内获四赢五位，头马水準有幾劲，已知得好清楚，二班有得争係正常预测。如非被迫在外叠，上赛至少有三甲，只要今场唔係能力跌watt，或8档又焗走出面冇遮挡，确有冠军相。

　　「喜来仙子」上仗唔係走位短视，点会奖金都冇！究竟换人会跑得好幾多？其实难计算，不过，此马若交出相近竞争力，而韦达发挥正常，已有出头本钱。

　　第十一场第二班1800米。「加州动力」连续幾仗出闸唔快，却一再有追势，尤其上场1600米，可惜末段骑师操控唔多好，因外移搵位望空，之後与外侧对手碰撞（隻马连番失平衡），论论尽尽之下至冇P。今赛转争长途，係会更啱发挥，但未知隻马出闸反应，亦谂唔到骑者又会演绎成点，人马唔犯大错便有上名资格。