捧盃有如家常便饭 摩廐双雄抢银瓶

猪拉多纳

　　贵为盃王，大摩捧盃好似惯到家常便饭咁，唔好计之前主席盃赛日，因为幾乎场场係盃赛，再之前6/5沙田赛期，个人擸晒两项重要锦标，皇太后盃和冠军一哩赛。而数数四、五月佢真係捧走唔少盃，计为主席锦标、狮威啤酒盃、女皇银禧纪念盃及日本中央竞马会锦标等等。

　　今日设有两项盃赛，沙田银瓶和遮打盃，两场佢都有胡叫！当然，第八场「多名利」与「魔法幻影」赢唔赢得真係要问过马王「雄心威龙」。但第四场形势就有唔同，餐士比较大。

　　讲番上届沙田银瓶先，大摩马海战術好成功，派5驹上阵，结果有4驹入到前列，原本今届马少少，佢一样唔执输，出够3驹，虽然「倾力之城」退出咗，剩低双雄，唔係冇资格蝉联！

　　今场沙田银瓶出马6匹，马少场合难计数，赛事步速唔知快定慢？尤其缺少廐侣「倾力之城」帮手，早段未必快，末段可能纯鬥後劲，但对「甜将」及「步步快」嚟讲，未尝唔係好事，因为两驹跑法稍不同，前驹守好位、後驹留後衝，相信总有一匹会夹到形势，而两驹实力在三级赛绰绰有馀，点会冇赢面。

Jack