马主论战：花月春风谋交代

猪拉多纳

　　花月春风谋交代

　　大赛日都係捧番摩廐马稳阵，先讲重头戏遮打盃，我睇好「多名利」赢得。一来上场已经證明咗有2400米气量，二来上仗末段一度受阻，最终仍衝赢对手，反映鬥心一流，今次有权挑战「雄心威龙」。

　　另外锺意尾场隻「花月春风」，季内五战取得一亚两季，其中入Q嗰场只係输条颈畀「开心老友」，未赢马只係差啲运气。今次用到柏宝操刀，睇嚟有心谋交代，可捧场。

　　张敬山

　　柏威廉表现劲加劲

　　柏威廉刚啱凭「实在好」同「健康精英」起孖，手风真係好顺，今日一於再捧佢啲马。锺意第三场「红衣神仙」，蔡廐今季啲初出马表现一流，呢隻马赛前已五试大闸，点睇都唔似陪跑格局，有权一出劏人。

　　另外要吼实第七场「劲加劲」，上场初配柏威廉即後上如箭跑第三，有过一次经验後，今次人马捲土重来，应该会有更佳表现。四岁马仍有分在手，有权凭一条直路扫晒。

　　任达华

　　镭射枪继续开火

　　我哋隻「镭射枪」上场转李廐初出，结果顺利打开胜门，呢隻六岁马过往用得少，我睇好佢可以继续交出表现。今次增程跑2000米，季初曾响同程上名，长力一定冇问题，希望可以再拉多一场头马喇！

　　另外锺意尾场「同个世界」，话晒係今届打吡亚军，冇理由迟迟冇马赢。由三级赛降番落嚟二班上阵，真係赚尽级数，用郭立基操刀会换嚟合理赔率，随时有权一网打尽。

　　寇鸿萍、梁廷锵