霍利時跟金獅名將返倉

猪拉多纳

霍利時馬房呢排夠旺氣，捧走遮打盃再奪五陵會盃，難怪朝早見到佢特別醒神。昨朝倉主依然積極為出戰馬匹打點，尤其對於出爭第九場件「金獅名將」重視有加，馬匹由助手快跳兩段走勢勇猛，南非霍在烽火台(目及)完馬便折返馬房門口等待，再駕着高爾夫球車尾隨在後直跟入倉，搏殺意欲極濃厚。查此駒剛戰千四米沿途大落後兼外疊轉彎，直頭係遊馬河咁款，但末段追番唔少失地，今勻增程至千六米，應該有計。