鄭雨滇猛虎出柙 好玩神駒分利

猪拉多纳

鄭雨滇上季尾因策騎「城中話題」犯下天條，重罰13日無奈提早收咧，暑期開操後幾乎朝朝露面操馬，阿滇笑言餓馬已久，求勝意欲超強，開鑼日必定更加拚搏，其中對何廐兩駒「好玩神駒」及「莫己若」寄望甚殷。
       
「好玩神駒」（右）前季32分贏馬，今季同一評分起步已動殺機。

雖然今季華將減磅修例，鄭雨滇由以往減兩磅變為冇磅減，但騎者以行動證明未受影響，依然獲得頗多支持，八駒列陣，其中近季合作愉快的何良亦出面力撐，提供四匹坐騎。對於幾匹何廐戰馬，故劍重逢的「好玩神駒」最得阿滇歡心，他說：「『好玩神駒』前季尾評32分時在我胯下打開勝門，經過上季調整後，今季以32分起步，又回落至有利水平，已具備爭勝能力。同時，開操後『好玩神駒』狀態來得頗快，工夫積極，埋門拍跳彈閘走勢吸引，以季初而言已在水準之上。今次除去眼罩改用開縫眼罩，可望為牠帶來新鮮感，只要陣上遇到有利形勢，有權建功。」
       
鄭雨滇雖然冇磅減，但依然不乏支持。

另外，角逐第六場四班1400米的「莫己若」，前季亦在鄭雨滇胯下報捷，可惜其後因腳患以致出賽不多，上季只跑三仗。然而開操後操練空前積極，今次重配贏馬拍檔，顯然來意不善。
       
莫己若重拾舊觀

鄭雨滇說：「若然純計質素，『莫己若』居四班當然非常有利，但考慮到已兩度因腳患做手術，難免影響進度及戰鬥力。不過，今季健康狀況確實比前理想，今﹙昨﹚晨與廐侶『樂馳』拍跳，末段走勢洶湧，已回復八、九成水準，今仗有力一爭。」