何良主場起孖補凸

猪拉多纳

開鑼日大軍壓境的何良馬房，埋單只得兩席位置，令人失望。始終快活谷才是練者主場，上季在細場取得廿二場頭馬的他，昨晚於谷草揭幕戰大開殺戒，憑「好笑容」及「連戰連勝」包辦兩場五班頭馬，補番數有凸矣。
       
好笑容在黎海榮胯下先拔頭籌，連戰連勝則由蘇狄雄出冷，何良與兩位愛徒齊齊打開今季勝利之門。

何良師徒同心其利斷金，昨晚兩場頭馬分別由愛徒黎海榮及蘇狄雄操刀，三人同晚敲響今季勝鼓，結局美滿。列陣頭場五班千二米的「好笑容」，以往同程表現不及一千米，惟今次賽前試泥閘譽滿欄邊，今仗起步立即進佔前列有利位置，即使大熱門「上海先鋒」末段沿內欄而上衝刺甚勁，但仍於黎海榮胯下力拒來犯，順利食出頭胡。賽後何良對馬兒表現有以下評價：「『好笑容』狀態於上季尾才冒起，可惜當時未有適合賽程，因此暑期後決定讓牠盡快復課，而馬兒亦可以維持上季佳態，早前試泥閘走勢出色。此駒今仗贏得相當驚險，若非抽到三檔起步，未必可以抵抗『上海先鋒』，相信加分升班後需要再有進步才可交出好成績。」
       
蘇狄雄

替何良完成起孖任務的「連戰連勝」，過往只在谷草短途跑得接近，今次毅然未熱身即跑一哩，竟然以一放到底姿態贏馬爆出19倍冷門。
       
何良
高伯新冷孖賀壽

另一位起孖練馬師為昨日43歲生日的高伯新，他先於第六場贏「皇龍戰駒」，繼而第七場更爆出41倍大冷「八心之鑽」，包辦蝕水不算嚴重的第六口孖寶。至於冠軍騎師韋達持續低迷，熱門「上海先鋒」、「勁勢」只保位置，跑過兩輪仍未開胡。