高伯新郭立基睇操「精神」

猪拉多纳

開季連贏三日的高伯新，剛周三谷戰未有進帳，雖然連勝斷纜，但馬房操練工序未受影響，繼續積極練兵。昨晨排位朝，高廐八匹參戰馬悉數安排到內圈踱步，一點也沒有鬆懈。七時左右，高伯新偕同郭立基步過草地進入烽火台，期間邊行邊傾，並低頭檢視草地狀況，之後便走上二樓齊齊睇實內圈踱步情況。起初有傾有講，但當二人今期兩匹合作馬「卡加精神」及「翔龍」前後腳出操，由助手踱步時，高伯新及郭立基便即時收聲，凝神貫注睇實兩駒踱步過程，睇得相當投入，動態殊不簡單。