韋達復出名舵主博冧莊

猪拉多纳

停賽兩日後韋達今午復出，為收復失地，坐騎當然經過精挑細選。第九場韋達放棄上季合作3W的「善寳」，再揀今季初出即勝的「名舵主」，未必純粹因為與蔡約翰關係緊密，似乎更睇好後駒贏面，有力再下一城。
       
名舵主上回季內初出即贏田草千二，今再遇多匹蹄下敗將，連捷望濃。

韋達：「名舵主」上季4W已顯示實力，之後因健康出現小問題才影響進度。經過蔡約翰悉心料理，此駒今季喜見長成，剛戰初出狀態未算十足，全程走來仍有前有後，末段猶有餘勁力抗對手，表現更進一步。今次再遇多匹蹄下敗將，抽不利的11檔卻是難度所在，希望再有順利發揮。
       
韋達

葉楚航：原本打算重召贏馬拍檔韋達夥拍「善寳」上陣，奈何騎者選擇續策「名舵主」，遂決定改配徒弟吳嘉晉減七磅，藉此提高勝算。我駒早前試泥閘追勢吸引，狀態已有一定水準，初上二班我認為仍夠質素應付，田草千二米亦屬強項，有權殺入前列。
       

鄭俊偉：「好好計」上季縮程跑千二米後演出大有進步，於泥地取得兩連捷。剛戰季內初出田草此程，賽前不敢抱太大信心，依然可在劣勢下追回亞軍，反映其草地戰鬥力毫不遜色。今續攻同程，再遇剛擊敗牠的「名舵主」，絕對是場硬仗，且看能否憑檔利反先。
       

徐雨石：與上季比較，我覺得「綠色好」更成熟進步，上仗季內初出跑千二，拉士二百米與三甲馬幾乎並排鬥衝，最終僅以半馬位見負跑第四，實在可惜。熱身後此駒狀態明顯更進一步，埋門拍跳反應理想，若可以克服13檔不利因素，可望提升名次。