今期出马有睇头 沈集成再演好戏

猪拉多纳

　　看过练马师沈集成近幾季成绩，发现上季与今季情况幾相似，9、10月攻势嘭嘭声，而上季在这两个月一共赢了10场头马，换言之目前仍旧未够数，在未来呢幾个赛期，仲会有好戏上演。

　　其实，经过再之前幾季嘅沉寂，上季沈廐已经重新站起来，整季胜出34场头马，重现昔日雄风！既然今季开得个头咁好，冇理由忽然煞车，尤其係今次啲马幾有睇头。

　　检阅呢期沈廐上阵马，除咗唔多清楚「青出於蓝」係乜头乜路，其馀出赛马各有可取之处，「彩虹幻影」五班边可以批死？！「非洲之光」三班一定唔得？！「红山茶」输完一场随时翻身！单单係呢3驹，已经唔能够「视而不见」，都未计刚刚跑得好嗰幾匹，所以，呢期沈廐唔会係碎料。

　　馀下尚有「开心陶宝」、「马主明星」、「敏欢腾」及「芙蓉之宝」4驹，後两驹唔係唔好，但又唔多似赢得晒，反而前两驹话晒係新胜马，感觉上好似稳阵多少，何况，两匹马赔率唔係热到冇肉食，隔晚独赢分别为7倍半及5倍，博条W过关，中个单头亦封蚀本门。Jack