铁胆龙路程专家

猪拉多纳

       洪礼贤讲马

　　第九场三班1000米。「恩格斯」暑期阉完，复出前曾试大闸，结果一放到底，当时已指出，由於赢泥闸时间慢，兼且转了前置跑法，唔算證明好多，唔建议放大试闸时表现，而复出在田草1200米跑得唔算特别，沿路混在中游，不过，亦唔係冇嘢讚佢，走规的确有幾明显转变，就算大半程外叠，转弯转得幾顺，直路施骑时，亦再冇之前必闪和两头拧嘅毛病。

　　今仗跑低半班，並转场及缩落1000米，有可能令其竞争力升级，结合本身在外地赢过此程，呢场或试出彩虹。

　　第十场二班1200米。「铁胆龙」此程胜出率惊人，跑6场赢5场，绝对係新一代路程专家。上场孭到131磅，依然赢得易，出闸冇耐已可自领，中段跟得顺，入到直路「了」幾鞭已抛开後列对手，完全係自动波，以呢种姿态计算，多负2磅留在二班，真係睇唔到有甚麽阻力。

　　表面上，今仗分区上调了5分，其实除了牠及「红旗勇将」之外，同场部分实力马啱啱先输过畀佢；复课继续落力做工夫（泥闸轻鬆跟返嚟），似乎未有收手意图，此匹1200米强中强，可信性仍高。