何泽尧继续称雄

猪拉多纳

　　今季好多骑师冇货交，大牌骑师如韦达、柏宝，二人目前夹埋赢了15W，跑咗接近两个月，点计都係偏少。另外，杜利莱、吴嘉晋、薛宝力等等，头马数目同样冇想像中咁多。

　　华将之中，今季有幾个开得个头幾好，赖维铭、汤智傑已经係好好例子，前者大热门马赢到两件、冷W亦有，後者现时虽然只得3场头马，但上名率接近3成，比起马伟昌、安国伦、郭立基仲要高！绝对有交代。此外，今季升正大师傅嘅何泽尧，成绩唔比一众师兄失色。

　　何泽尧伤完复出後，成绩愈来愈好，赢够70场毕业，跟手头马陆续有来，单係10月五期赛事，已3次成功起孖，风头盖过好多一线好手，而佢坐骑赔率冷热一样表现稳定，呢点先至抵锡，总好过韦达连场孭镬，所以，呢位华将近期声势咁好，一定要睇到实。

　　第一场「雄姿俪影」、第三场「俊威威」及第十场「银桂飘香」係今日心水马，前驹肯跑番谷草短途，好过在田草赛事磋跎岁月；「俊威威」热身一场跑番长途啱晒；後驹新胜，上番二班转程其实仲好。Jack