聽完開心笑 徐雨石財源來

猪拉多纳

徐雨石馬房列陣第三場戰駒「財源來」，季內兩度交畀馬偉昌搏殺未能得逞，但騎練雙方合作愉快，今日一戰依然充滿寄望，首次增程出擊千八米對馬匹可謂更合腳法。
       
財源來(5號)

昨晨六時許，呢對拍擋更約埋開軍事會議，鏡頭矚目，當時馬偉昌已暫停手頭上工作，走到機坪空地上等待，未幾練者殺到，南非昌立刻向石哥滔滔不絕發表搏殺大計，對方聽完後頗為認同，笑到合不攏咀，明顯係雙方默契一致，今仗排一檔靚位，乃贏馬黃金機會，難怪騎練如斯緊張。