寿比南山 排内档有行

猪拉多纳

       今晚谷草C栏C+3弯赛事，内档马优势顿现，大家会发觉到好多内档马隔晚好多飞，尤其係有实力嗰一批。至於，赛果係咪咁正路？天知、地知、我唔知！但场地有偏差係好事，唔使盲摸摸，最多咪拣啲比较稳阵嘅内档马，赔率热啲都冇办法。

　　第一场第五班1800米。「寿比南山」上月尾因脚伤退出过，当时正正係想跑此程，之後唞幾日复课，最近能够接连两个礼拜试两个大闸，名次唔使介意，关键係隻马顶得顺频频操练，證明隻脚冇事。而佢上季曾在2200米及此程跑入冠季军，目前分数差唔多，真係冇压力，希望内档帮到佢手，贤仔又发挥到呢匹唔易骑嘅马，咁就有行。

　　第二场第五班1200米。「上海先锋」刚仗跑同程，为季内初出，韦达发挥一绝，直路从内栏追上，当时个势以为会过到「好笑容」，点知最後被对方反先，唔可以怪人与马嘅表现，只能说当晚太利前领。隔番个幾月再跑，咁好彩又畀番个2档佢，而韦达未肯放手，赛前试过大闸，最後试跑朝再拍跳，準备工夫做到加零一，必有高昂鬥志。

　　安赏长途冇问题

　　第六场第三班2200米。「安赏」在港初出之役角逐谷草一哩，跑得比较差，以为呢匹自购马未成气候，点知第二仗跑长些少已经嚟料，在1800米後上入Q，输畀「阳光普照」唔够一个身位，算係幾强嘅赛绩，睇嚟呢匹马进度一日千里。今仗跑大长途，睇血统应该应付得来，唔太热值得跟多场。