总统之光 擅打水战

猪拉多纳

　　天气报告预测呢两日有雨，未知会唔会灵验，亦唔知到时会唔会落正沙田上空？但如果场地真係受到影响，尾两场赛事有唔少实力马可能被拖累，所以，要有两手準备。

　　第十场三班1600米。「竞技英雄」转薛廐初出表现平平，入到直路衝唔起，不过，赛前试跑、试大闸，唔係冇走势，暂时认为可能与初出有关，因为部分廐侣如「好旺财」、「喜相逢」，季前工序差唔多，亦要透过实战作提升。

　　希望热身之後，「竞技英雄」得以回复本来面目，假假哋上季能够赢得「育成王子」、「坚旺财」，二班都唔会冇得赢！而本身流於均速性能，转来此程会比1400米合适，建议畀多次机会。

　　第十一场二班1400米。「总统之光」季内初出之前，工夫做得唔多，又要负重，跑得唔好大条道理。输完喺準备上唔算做得好勤力，不过，有大闸，亦维持正常快慢跳课期，观感点都比初出好。

　　此马上季打水战好似识飞，有本事赢到「华美之星」、「坚旺财」、「红旗勇将」甩晒，必然坐拥一班实力，若然明日场地帮到手，必可大幅提升名次。