绿豆爽黄金机会

猪拉多纳

　　天文台话呢两日有雨，但执笔之时，风平浪静，都係以正常场地预测。呢日赛事其实形势同上次谷草夜赛相近，又係好多好多热到辣手之马存在，至於结果会係点？热倒抑或热食？大家要小心睇路！唉，始终今季热门马成日头晕身㷫，输得多，赢得少。

　　第五场第四班1400米。「绿豆爽」连跑两场，表现一次好过一次，大告啲马就係咁，季初唔会谷得好劲，慢慢等啲马状态顺其自然发展。

　　而隻马嚟到今场终於加眼罩，可能大告亦觉得係时候在配件上配合，换句话说，即係匹马已经跑起状态。呢场排档好，易於搵位，赛事形势必好，对手又唔係叻，正是开斋黄金机会。

　　第六场第三班1200米。「惊雷」5岁但只跑过4场，里程仲係好新，前景一片美好。事实上，去季输过畀「山顶」，赢过「银飞龙」，点只值六十馀分？！今次上到第三班，负磅轻番好多，唔会绑手绑脚，佢嗰段强劲後追力，估计会得到充分释放。

　　乐驰1600米掂

　　第十场第三班1600米。「乐驰」上季跑跑吓短途，亦要转到1400米始能胜出，今季性能好似又有唔同咗，1400米开始唔多啱，所以，上场尝试改攻1600米，最终跑入三甲，證明加程係好事。

　　如果进度维持得到，呢次再战此程，应该追得会更加犀利。