鬥志比赔率重要

猪拉多纳

　　部分华洋马房操练手法有路捉，出现劃公仔劃出五脏六腑嘅动向，赛驹操到火红火绿，大细闸试匀，快跳、慢跳、落草地一应俱全！对马迷而言属於喜讯，起码唔使估去唔去马，有时赔率热唔紧要，鬥志才是首要考虑因素，如果冇心去马，99倍又如何，咪又得个数字之嘛。

　　亦有部分马房，特别锺意在季初阶段抢攻，所以，好多时在季前大闸，一睇报名名单，不禁吐出一句：「咦，乜依家啲马房有得包起一组嚟试大闸咩？」总之，次次大闸，部分马房以幾乎垄断性报名。亦可能因为勤有功关係，呢类马房往往在季初成绩比较稳定。

　　苗廐马今季操到行

　　苗礼德与告东尼正正係上述呢类马房，後者冇乜幾何季初会「静如深海」，反而前者则试过，早年旗下马曾经在季前唔多试大闸，结果该季早段成绩明显略逊。不过，今季苗廐维持番操到行呢一套，好多出赛马一出即搏，就算首仗成绩唔多好，翌仗亦会有嘢睇。

　　苗廐季内一出跑得好例子多，「咁都得」、「真诚真意」、「喜胜多」即食（马王「雄心威龙」唔好计），「惊雷」两出两入Q，「好事必得」初出第四，再出跑第二名等等。

　　而周日「幸运雄威」就係呢套準备，睇吓初次挑战直路赛有冇行嘞？！