旅遊小子财神驾到深智能业龙船快

猪拉多纳

　　今晚8场谷草A栏，根据对上三期赛果，不易追、1至3档马着数，唔知会唔会延续。环顾今期形势，幾位大骑师唔係多牌面马，佢哋坐骑如成热门，小心取捨。

　　第1场 第五班（40-0分） 2200米

　　「朗天」回到五班係另一个世界，实际上，前仗唔係跑得差，隔过一场返回理想路程，机会不同了。「更捷胜」长期追人唔到，又长期热门，只宜作配。

　　「镭射枪」太被动，跑长途始有生机。「金满贯」上季尾愈跑愈韧，此程应可胜任。再拣会係「横亨」与「步如飞」，不过，近绩差，难有信心，纯粹博大雾。

　　第2场 第四班（60-40分） 1200米

　　「胜利大将」初出已拣，赢来轻易，睇到情绪收敛带来幾大益处，加10磅係辛苦，但路程冇变，档位形势亦然，尚有争连捷之力。

　　「好友星威」状态保持得幾好，惜又排外档，如早段耗力不多带出，有权上名。「喜逸」严格讲上场衝势唔係吸引，过热不宜捧W，好位则可拖脚。「轩辕勇将」跑形势，8档如非被顶在二三叠，靠勇尚可一争。「海之宏」8岁马唞番一个月，博可顶得铺。

　　第3场 第三班（80-60分） 1000米

　　早段太多马走，後上马如「红运福星」啱晒，但难出头马博W风险大，作为Q胆冇问题。

　　「江山如画」靓位未必要抢，稍留如前赛般演绎，效果仲好。「名马」冇咗轻磅略下风，限争P。「东成西就」未够，级数则有。「钱照赢」放到边度会停？唔知，好在跑短200米，易捱啲。

　　「威威具星」一再失望，11档更令此匹走规唔好之马难应付。

　　第4场 第四班（60-40分） 1000米

　　「创出商机」做好嘢即搏首仗，输在二叠，但鬥赢佢匹「胜在分秒」可冧莊，前驹今仗负磅减少，理应有权赢。

　　「驷马难追」搏多咗渐令战鬥力下降，唔係好位，唔好再跟。「劲啲啲」近况极锐，转谷草直路短，排埋1档，随时赢埋。「你好我好」唔係蚀位，上场会有Q，希望好位令处境不同，从而提升名次。「龙东至尊」4档随时被顶出三叠。「四季星」重磅、外档及初跑谷草，太多顾虑。

　　第5场 第四班（60-40分）1650米

　　「旅遊小子」对上三季俱在出赛第三仗上名，而上场田草1400米唔係差，直路中段被阻後仍再撲上，跑够後回到正宗路程，排埋好位唔使留得後，将可发挥到其最佳中置跑法。「财神驾到」弗开，又常赚形势，一日未升班，仍难捨弃。「深智能业」季内初出跑短途算係有追势，跑完肯在早课加大力度，增程到位。「新力多」和「神勇马车」不易有大幅进步。「龙船快」以五班时间攻陷四班，在今场却仍有类似可能。「皇仁威龙」连续两场係大半程内栏悭位输近，加程唔能够有太大期望，争脚。

　　第6场 第三班（80-60分） 1200米

　　「旋风魅力」A栏此程冇失拖，而上赛破格初出上名亦要尊重，希望步速唔係太慢，有利佢追。「强风骏马」如果唔转路程，目前分数幾难再上，係买佢稳定性。

　　「劲卒过河」冇内档帮手，兼重磅，降低评级。「太阳战士」外地有细场经验，靠速度食胡啱谷草，转场咪睇小。「仔仔女女」已难再赚。「金津好」久休复出输得接近，却毫无势头可言。「大进」试跑观感只属可以，但要博就係唞埋唞埋呢场。

　　第7场 第三班（80-60分） 1650米

　　「晨采」转回谷草，好过在田泥靠撞，9档可能难切入，但同场少马走，博早段有际遇可楔入，夹到其顺跟跑法，成绩便能扭转。「夺金」1档令跑法有改变，绝对係好事。

　　「心中有程」上场放得出色，却要担心老马连贯性。「非常精」唔係外档加巫帅，必拣。「驾宝」有起色，唔似上赛前咁「薯」，但三班难赢，争P。「魅力心」及「威仔皇」，俱有条件争位置。

　　第8场 第二班（100-80分） 1650米

　　「鹏力洋洋」二班一哩始终係顶级好手，惜加磅後要视乎进度。「超群名驹」实力不在前驹之下，係惊冇步速。

　　「精奇」面对慢步速场合，要处理得宜，唔好再似上场跑到咁蚀，先至有赢面，当然，不得不讚隻马上场真係追得誇张。「渐信良驹」长期赚形势，呢次亦可能会。「开心至爱」纳於边线。