深智能業揮桿入洞

猪拉多纳

上季最後一戰贏谷一哩開齋的「深智能業」，今季先跑一場短途試準，即回師勝途問鼎香港高爾夫球會百週年紀念盃，手風轉順的徐雨石大桿一揮，有望將球兒直擊入洞。
       
深智能業上季尾贏谷一哩打開勝門，早已顯示強橫追勁。

姚本輝：「財神駕到」若非季初一役發力略遲，已可締造三連捷，仍留四班角逐十分着數，即使賴維銘因傷缺陣，換杜利萊應無礙發揮，同組似乎只有「龍船快」前速較快，對跑法機動的「財神駕到」有利，只要克服133重磅，機會仍在。
       

潘頓：「皇仁威龍」今季在我胯下跑過兩場谷草千二米，均姍姍來遲得第五，反映馬兒需要增程，今次扳上谷草一哩部署合理，上季在港初出一役已於此程殺入殿軍，長力不成問題，只要沿途找到遮擋，抽九檔不會構成太大影響。
       

呂健威：「香港發」今季仗比仗好，剛戰轉爭谷草一哩，行沙圈時喜見情緒淡定兼沒有汗濕，結果以極具說服力的姿態再下一城，且耗力不多，相隔兩個多星期再出可以應付。五歲愛爾蘭自購馬如今已大熟大勇，回升四班仍有力再爭。
       

徐雨石：「深智能業」剛戰季內初出跑嫌短的田草千二米，受制於不利的14檔，沿途留居後方形勢不利，仍追入第五收獎金，表現已令人滿意。熱身後刻意加強操練工夫，埋門試泥閘則純粹讓馬兒輕舒腳頭，名次不用介懷，論狀態絕對較上仗理想。雖然此駒向來靠後勁食胡，檔位影響不算大，但抽二檔起步可全程慳位，留待入直路後才展開衝刺，更添優勢，只要發揮正常的話，可於勝途谷草一哩再建奇功。