绿色快驹继续赢

猪拉多纳

　　第九场三班1600米。「飞翔星」今季跑了两场，前仗乜冇嘢睇，上场成绩已有很大改善，要挑剔係骑者处理手法比较谨慎及被动，令到此马得唔到最佳发挥机会。

　　今仗缩回此程，並回配杜利莱，效果可能比上赛较好。亦正如上赛前所言，七十幾分仲可以力撼「财宝鹰」而跑赢「真慷慨」，上二班係好合理预想，希望今场唔会出现过慢步速，直路就係佢表演时候。

　　第十场三班1400米。「绿色快驹」愈赢愈有格，缔速又够说服力，目前进度及能力已超越本身所在地（三班），由於今场分区上限係85分，佢赢完後1磅都唔使加，计死数极赚。再者，今场赛事环境与上赛唔係好大分别，前中段必然有马带住佢，跑法咁安全，仲有得赢。

　　严格讲，上场幾有难度，要知道「绿色快驹」嗰场前中段快逾8线，佢其实跟得急咗（大半程摆在前六名，仅牠入到三甲），最终却以快过标準时间完成，难度之高不难想像。而今场主要对手「光宗耀祖」，跑法冇佢咁灵活，兼要让磅，一来一回，令其胜望提高，有力季内三出三捷。