天光明敏欢腾开心驾到童梦 喜莲芳芬劲势劲力幸运纪录

猪拉多纳

　　今季跑了两期田草A栏赛事，跑法算係平均，唔会侧重前置或後上，反而，档位形势就唔同，还是内档马秤先。讲到今日主角，韦达及潘顿手执唔少热门，今日应可交出好成绩。

　　「心中有劲」备战比起季内初出之前积极得多，遇啱今场冇马走，或得佢自己放，有埋1档，沿路放顺，唔易被追到。

　　「快达小子」、「上浦骏将」及「好精伶」，跑法一样，但好大可能受制不利环境，削弱了威力。「海豚」此程比谷草合适，内档易於守好位，形势极好，係担心顶唔顶到。「好玩神驹」状态已摆咗喺度，只係等啱形势，如冷可兼顾。

　　

　　「天光明」季内初出之前工夫曾经「甩咳」，落场跑形势又唔就（途中再受阻），所以，咪以为上场纯粹赚步速有P，今次转回此程出头有望。「敏欢腾」已在前仗开始贴，两度入Q已尽所能，希望保持到。「童梦」今场冇马走兼排内档，与上赛唔同计法，加上热身後工夫冇话就住（上赛前严重缺课），表现或有大转变。「开心驾到」连场在短途末段见影，终肯加程换人，未必想等降班。「幸运勇士」连场输到冇原因！但怕随时返嚟，保险可拖。「乘奔御风」四班此程巨人，可敲。「高山威龙」级数赢晒，视乎心态。

　　

　　「金碧阳光」大大件，出脚唔算急密，唔多似短途材料，不过，脚法唔错、外型靓，三四班唔会有阻力，初出跑质可能扫得晒。

　　「颂友」上场入Q难度高，转场地希望唔好走样。「大少爷」係冇季初首两回咁颓，渐有起色。「星运俊爵」14档且内侧有三两驹都係放，唔易克服。「红衣神仙」唔係热得过分，始终係有能力，可拖。「自我本色」初出表现略比上季进步。

　　

　　

　　「喜宝龙威」落班有好大优势，期望落入潘顿手上，收服到呢匹唔易控制之马。「桂花飘香」预期赚到跑法之利，正路脚。

　　「万里骁」朝早观感幾好，唔再大量流汗，试跑听听话话，走得又爽，幾十倍冷门，稍有好感博定先！「大欣赏」唔会因为上场外叠跑输，就对佢前仗同程良好印象扣分。「钻饰天使」及「大将军」有资格争，却唔算稳健。「扬威宝」遇到极快步速至会有机会发挥。

　　

　　

　　「纪利威威」初出时工夫唔觉入肉，出赛为热身，阵上跑得亦唔称职，所以，完全唔使理名次。今赛转程、转配搭及档好，预期跑法唔同之下，成绩将大幅改善。「多豐裕」向来唔锺意，不过，上场走势叻咗好多。

　　「精彩生辉」与「威腾驹」降入四班，完全係两个世界，够资格争前列。「永胜多」回到中程总比长途好。「日日发」若果留放妥善，或有P。

　　

　　

　　「皇帝谕令」初出跑得幾嫩水，直路两边摆又迟挞着後劲，尚可有P，级数搭够，热身後转程则合理。

　　「卡加精神」太锐，冇理由唔重视。「好香港」就算唔计上赛健康有事，再三出现追唔切镜头，呢类马拖脚算嘞。「劲信心」刚赛全程不利，唔係输状态，总之，四班着数，转程可能更好。「飞快威」备战有瑕疵，初出又在劣势（二三段快得急），仍可入围唔简单。

　　

　　

　　「喜莲芳芬」及「劲势」，好似係互片之局，前驹场地及路程性能唔使估，係挑剔处女马过热；後驹冇可能唔啱田草，但第一次跑就係第一次。

　　「劲力」上赛前早课已留有好感，转战此程切勿睇小。「幸运纪录」马重升番係好事。「爪皇盛水」未热身，始终有戒心。「龙华太旨」初出跑得略hea，输近则證明有级数，但可能要增程配合。

　　

　　

　　「驌龙」操练过程极严谨，唔似季内初出求热身，而对上两季首战冇W有Q，休後战赛绩够坚。

　　「君子一言」跑番一班赛，对手唔同晒，加上操练唔疏落（大闸在内栏轻鬆追上），预期将有成绩交出。「多采多姿」用小将负磅减得多，並落班跑，回复竞争力。「伽罗」及「摩法神采」，前驹或有形势之利。「绿色好」此程的确冇1200米咁好。「华美之星」未够，跑忠心。

　　

　　

　　「飞翔星」回配杜利莱，希望跑法唔似得上场，本身质值二班，又够晒跑头，畀多次机会。「绿色威」此程属正宗出路，好档及强配韦达，亦夹到此驹性能。

　　「得盛」係惊外档令早段搵唔到遮挡，令发挥打折扣。「竞技英雄」似乎暂冇藉口再追。「乐有赢」唔了解刚赛跟靓位衝唔起原因，有可能需要再加程，转到1600米应可找到答案。「多多利」及「精彩遊戏」属TF冷脚。

　　

　　

　　两强对垒，「绿色快驹」及「光宗耀祖」，跑法上应以前驹安全啲，实力则是後驹较强。

　　「闪烁武士」级数不在前两驹之下，係「虾」季内初出未十足。「好胜煌」季内初出跑得太差。「自由胜」赢完要再等机会。「豐衣足食」难赢，却经常入到三甲。勉强再拣，可拖「满地金」及「八心之钻」。