食回头草马有成功例子

猪拉多纳

　　马匹转仓，家常便饭，摆在A马房成绩唔好，养马费白使，好自然会谂到转换环境，唔理他朝会改投B、C、D马房，一日唔走，可能维持原状，望唔到有转机。

　　至於走咗之後，係咪真係成绩跃进，有时真係两睇，但千祈唔好抱住比较心态，因为赛驹跑得好与坏，唔一定完全关於练马师，唔通蔡神仙冇失手时？太多因素涉及其中，成败不足以论英雄也！

　　至於，食回头草又点？商业社会，有机会再续前缘，练马师与马主唔会有芥蒂，合则来，抱着正面态度处事，好似上季「贝利高」，多年前在贺廐成绩美好，之後「出走」年幾，之後重返贺廐，唔只有得赢，好似回复青春！经常跑到入前幾名。

　　今日霍廐「胜利就手」及「爪皇盛水」，都曾经係霍廐成员，前驹上场归队即有唔错走势，再出可予重视；後驹前季尾转仓，跑咗季幾冇起色，重返此廐後，初出拣昔日成绩极佳田草1200米，睇心态有即搏意思。总之，呢对马隔晚赔率高水，博得过。        Jack