大将军1400米至劲

猪拉多纳

　　踢足球，讲队形、打气势，赛马何尝唔係，当日头头碰着黑，骑马王一样输得。而柏宝凯旋而归，幾十岁人，第一次赢墨盃，可喜可贺，呢期出马唔多，但人旺，有时唔可以咁计，随时马凭人贵，所以，今日佢6匹坐骑，咪当碎料，点都要睇实。

　　第四场五班1400米。「大将军」今季跑两场，成绩平平，可能未跑够，或者路程及场地关係，今仗转到此程，咁耐成绩最好正正係1400米，係佢最有把握路程，当时输畀「实在好」，排到好档，唔担心又好似近仗在外叠蚀位竞跑，今场係最佳出击时机。

　　第六场四班1400米。「好香港」上阵两次，成日有追势，但一再上唔到名，点计都係失望，当然，上一场跑到气管有血，唔可以混为一谈。讲到能力其实唔会比同场任何对手失色。希望今场有步速之助，外档又唔会好蚀，恨赢恨到发烧之马，出得唔应该会欺场。

　　绿色威够分量

　　第九场三班1600米。「绿色威」连续三场跑入三甲，阵上守好位、後上一样得，證明此马有幾大可塑性。此程曾经力鬥「得男」，上场则与大超班「蒜头仔」埋Q，实力可想而知。呢次用得韦达，仲要排到好位，相信跑法唔会执输，早段一定採取较主动，个人认为比起後追更合。既然仍未交代，鬥志一定强，成热亦冇得抗拒。

　　陈华栋