近年季初泥战例牌立油 寄望柏宝有番活力

猪拉多纳

　　柏宝今季成绩暂时未有新突破，孭镬次数反而多，好似上日沙田赛期，以为墨盃盟主凯旋而归，点知全日失威，只能够交出一席位置都够胆死，捧场马友点会唔输到呕白泡！但呢个唔係要讨论问题，过咗去就算，放眼今期赛事、落足心机刨马啦。

　　如果睇过柏宝近季泥地成绩，发觉佢早段真係幾「立」，就算季初时分成绩如何超卓（草地赛），总之，一跑泥地成个人企晒喺度，近季试过迟至过埋新年始在泥地打破闷局。来到今季佢都冇变作风，两个幾月跑3场连Q都入过，点都唔会叫做理想啩？！

　　望望佢今期泥地坐骑，一共有6匹，唔係冇机会打破缺口，希望今季唔使又等到过埋年先至在泥地赛开纪录！

　　第二场「乡村活力」脚患幾严重，能够维持操练及出赛，算贺贤本事，而上场初跑泥地上到名，开拓到新出路，呢次再拣同程，一定继续搏，事关唔知下一场隻马顶唔顶得顺；第八场「恩格斯」赢完谷草转泥地，大摩同大家鬥智，不过，新胜马可能开窍，而上赛前曾赢泥闸，转场再W有幾奇。Jack