九天银河隔晚惹怪飞

猪拉多纳

　　今晚係全泥夜宴，睇隔晚飞数，都唔好话唔惊，八场大热门中，竟然有七场今季未赢马，一个唔该，随时爆个石破天惊。

　　怪飞马拣第八场「九天银河」，话说噚日三点，周某食完个饭就望吓各场赔率，嗰时，「九天银河」明明有44倍，可以话係完全冇人理，但行开一阵，四点返嚟多次，真係吓到叫咗出嚟，过咗一个钟头，「九天银河」个W得番5.3倍，虽然话时间尚早，彩池总金额唔算大，但一阵间就变成5倍，未免太誇张，再睇呢匹马在港两仗都输七个马位以上，就更觉惊讶。

　　唯一解释，就係投X者觉得「九天银河」具泥地血统，睇番同父马包括「大把在手」，或者转过嚟真係变身，拖番注好。

　　骑师王方面，难得韦达跑泥地赛日都有2.1倍咁热，相信佢就算唔连番报捷，都会经常跑入三甲。周仲