喜劲驹有冠军相

猪拉多纳

　　第六场三班1650米。先唔好讲「劲綵」上场係咪受惠当晚利放模式，或者係赚步速，比较起季内两场骑师处理手法，真係有好大好大分别！前仗柏宝出闸冇耐揨住留後，上场安国伦一出闸起势骑，决心争取前列位置，出来成绩明显唔同，所以，唔认为纯粹係有过一场热身，或者转了场地及路程，会由第五名变第一名。

　　讲番上赛水準，梗係犀利，赢得「铭记心头」和「夺金」，後两驹再出得1冠1季，而「劲綵」只係多负5磅再跑三班一哩，仍旧有赚。况且，今场前中段未必放得快，佢排4档乐於守好位，赛事形势比起上场仲安心，有力再捷。

　　第七场三班1650米。「喜劲驹」初出赢四班1400米，再出升班跑1600米，跑唔赢一对三班劲旅「百事神驹」及「得男」，佢差不多衝最後100米先至唔够鬥，表现及格有馀。

　　今仗回到谷草场合，对手实力即时降格，而再望真啲，呢场12匹马之中，季内识赢只得佢同「魅力星」，赛事水準的确差咗一大截，若果「喜劲驹」唔係搏散咗，唔係冇冠军相。 洪礼贤