威威加玛多綵金满载银飞龙

猪拉多纳

　　谷草C栏侧重内档及前置跑法，如果今日场地偏黏软，更加唔易有得追，唔係话完全抹杀後上马机会，个别场合或会出现，可惜唔係主流模式，总之好档及主动跑法点都秤高。

　　「威威加玛」操至埋门上火上力，进度配合到降班而来，排到3档易抢前，何况，同场唔多快马，放得顺，可望带返。「银飞龙」冇上场条件，仲有冇冠军相？真係有难度，争脚。「多綵」初出之前曾缺课半个月，阵上处境又差，一样有第四，睇落在四班极数，今次操练完整，值得信。「欢欣星」或需热身一场始到位。「金满载」如果初出跑得落力，已有权入前四名，换人、档靓且加程，条件理想。「生豪」近况得靓，係惊顶唔顶到三剂？！「劲无极」唔係12档，必慎重考虑，因配件帮到改善脾气。

　　

　　「足球快」朝早好行，搏完仲靓，8档如冇大碍，应赢。「有情风」近两仗愈来愈见影，落班用韦达，情况似「京城精英」，吴定强摆明想搏。

　　「满贯之宝」排外档不易发挥。「千笑」未够火，恐怕放唔出。「盈骥」老马养得「企理」，始终係路程好手，拖一注。「潇洒靓龙」上场失望，再多做工夫，负磅又轻，畀埋最後机会。

　　

　　「彪形好汉」赚形势才於上赛入Q，但输得畀3W「龙船快」，赛绩在此够照。

　　「京城精英」及「的确好靓」，上场齐到终点，实力差唔多，纯讲跑法，前驹较安全。「飞天龙驹」恐怕要回气。「无敌骏驹」伤脚翌日可复课，问题应不大，而近试有番两脚，3档摆前走，放到唔意外。「天子驾六」C栏11档，好大障碍。「财富之星」早课唔再见死气沉沉，但地慢唔多掂。「日月霸王」有可能沿路被顶在二三，唔係冇危机。

　　

　　「龙船快」赚步速又好，赢出一股锐势都好，已经三连捷！再讲，当打、跑法夹赛道、合跑场慢，条件好过大部分对手，就算唔预期再W，三甲要预佢。

　　「旅遊小子」完全唔锺意上场骑师演绎手法，输完当冇跑过，复课忽然有拍跳（大半年首次），而过程中轻易带先，近态好转中，希望换潘顿，能够在跑法上变通，蟲变龙唔奇。

　　「雪山神驹」地慢及难追，乃其致命伤。「金得意」略有起色。「安陶」晨早及试闸唔起眼，不过，转马房後性情再唔似以前急到濑，且看加埋落班这个因素，唔到数。

　

　　「太奇妙」晨课身色有齐，现况令人满意，等到有状态始回到食胡路程，仲打埋王牌，今场似係真波。

　　「闪耀小子」有班，衰在11档，唔知心态及处理手法，但成冷可拖。「喜乐洋洋」愈来愈慢脚，尝试加程係好事。「神州八号」上场已有贴，不过，势估唔到焗住放头跑效果更正，今场9档唔知点跑，如跑法连贯，博再赚形势。「香港发」上场明输跑法，係咪真係断缆，睇多场再讲。「回乡精神」转马房後观感有好冇坏，首仗唔会冇睇。



　　「劲綵」赢得「铭记心头」，加5分有赚，而守好位跑法预在今场受益。「晨采」註定难赢，好在此程够準，前置又成日搵到数。

　　「一团威」复课工夫大手咁做，眼见比前有生气，相信今场1档，唔会又以遊魂手法处理，到位。「军驹」跑3场短途，早段都係跟住，增程配合数。「劲赢晒」後上失利，兼初跑谷草，限争一席。「豁达潇洒」输完又输，完全与近况无关，建议多看一回。



　　「喜劲驹」上三班撞正一对田草老虎，跑第三名已算及格，亦證明够班，回到谷草场合，级数显着提升。

　　「首饰孖宝」唔知係咪一场好一场衰，过热宜作配。

　　「宝成智星」随时出现单骑自领局面，步速控制得好，将会扩大优势。「魅力星」条件与上赛已经唔同晒。

　　「幸运金龙」未返到去全盛时期，唯有寄望加罩倍添威力。「威仔皇」转仓初出有睇，再出必有进步。

　

　　「帝国勇将」三班此程一线马，只係担心有冇两剂。「城中话题」受惠步速，在上场入Q，今场处境可能一样。

　　「芙蓉之宝」转场赢级数，10档却有影响，变相削弱了能力。

　　「讚赏」恐怕地慢冇咁好追。「光辉出击」12档命，计正三班则有卡士。「军功」情绪淡定唔少，今场若利後上马，佢唔会冇份衝。