临场执生有利有弊

猪拉多纳

　　周中谷草C栏赛事，模式好典型，由头场「凯旋无敌」搭「千笑」Q，揭开利放及内栏偏差序幕。虽然跑至尾场，「帝国勇将」在外冚上赢马，但类似赢马过程，全晚只得一场，整体来说，唔多利追。

　　当晚由头场之後，睇淡後上马係正常思维，加上，天雨不停，场地受影响，更加难追，跑法太落後那堆，基本上可以当冇份跑，亦因此，呢堆日前跑得唔好之马，落败赛绩唔会有太大参考性。

　　场地变化超綵值博

　　该晚既有突出模式，场地又带黏，「度马」有另一套，好似「超綵」，赛前根本冇谂过，净係12档已经打窒！不过，做节目时谈到，第六场慢地性能最叻係佢，独赢仲有十幾倍，之前赢开，唔博呢类马，仲想博乜？！

　　又如尾场「劲有盈」，当晚伍碧权较早场次搏马味浓，「凯旋无敌」、「威威加玛」、「回乡精神」3驹冇W有Q，呢匹马评分点都要即时提高，再者，本身係路程专家，近季又利初出，临场幾十倍，博大雾啱晒。

　　之所以，临场拟定另一套策略，唔係要同自己打对台，而係修正之前未知嘅变数和偏差，当然，有时可能係谂多咗，原来昨日的我係料事如神，今日的我係愚笨。但多作思考，冇错嘛，脑袋用嚟谂嘢，唔係用嚟放屁，想得多，又有运的话，或发横财。