馬龍王子大摩計得準

猪拉多纳

不嬲計數好叻嘅大摩，同時幫N布質新馬「馬龍王子」報咗新馬錦標同埋四班泥地1200米，鑑於跑新馬錦標蝕磅太多，佢就決定捨難取易揀咗初跑泥地，結果奇招得手，順利打開勝門，兼爆出27倍冷W，殺低埋隻泥地專家「勁飛馳」，認真犀利。
       

大摩賽後就講番，話最初諗住幫「馬龍王子」報新馬錦標嗰時未必有咩對手，但當報名一出見到評88分嘅「歡樂時光」喺到，就決定放棄，轉揀泥地搏殺，佢話知道隻馬泥地性能唔差，但係抽11檔就即刻冇晒信心，好彩今鋪郭能跑得好好，同埋轉咗用交叉鼻箍又幫到隻馬穩定走勢，陣上冇咁急之餘，拉士又有追勁，演出令佢好滿意。同時大摩覺得「馬龍王子」可以跑長啲，但依家仲有啲稚嫩，所以佢就唔會心急，等隻馬慢慢成長先再部署。

夜航班机