潘頓執到善寶

猪拉多纳

韋達上次騎「善寳」發揮欠理想，賽後即有大批好手聞風而至，向葉楚航大送秋波。
       
善寳以往三戰谷草全入Q，回師細場威力驟增。

有得揀當然揀最好，結果阿航選中今季旺人潘頓，騎者執到「寳」自然不敢怠慢，今季與韋達鬥到出晒面，為公為私必盡力爭勝，以剃韋達眼眉為快。
       
葉楚航

葉楚航：「善寳」上場敗走泥地千二米後，已有多位騎師主動向我索騎，經過多番考慮後，決定交潘頓操刀，以其今季優異演出，我有信心馬兒會有更佳發揮。
       
潘頓

「善寳」以往三戰谷草得一冠兩亞，回師細場應更具把握。此類90分上限二班賽參戰馬實力普遍接近，如今場1至11號馬評分介乎90至80分，頗考臨場發揮，我駒佔一檔之利，機會自更樂觀。
       

薛寶力：上季我曾贏過「綽力之城」，早已留下深刻印象，今次難得可重掌帥印，當然感到興奮。
       

最近於晨課再接手，發覺牠明顯比上季成長進步，轉爭谷草千二米應不會構成太大考驗，只是抽九檔起步較吃虧，要與大摩商討應對策略，但只要馬兒跑出水準，居此肯定夠贏。

黎海榮：「多益善」今場既不用面對強敵，同時毋須負重磅，相當適合發揮。此駒以往於谷草一千米成績較佳，但隨着年紀漸長，相信跑多二百米也可應付，埋門試來火力十足，已具爭勝水準，可惜抽十一檔的確不利。