高風格搶分搏遠征

猪拉多纳

告達理近幾季無論本地抑或遠征海外，同樣都有理想成績，練者自從年前帶領「時尚風采」捧走杜拜阿喬斯短途錦標後，一直都希望炮製另一匹海外大賽頭馬，聽講佢心目中早有腹稿，諗住帶領「愛跑得」同「高風格」兩匹短途好手過杜拜試一試實力。
       
「高風格」堪稱高班巨人殺手。

「愛跑得」貴為香港短途錦標亞軍，估計獲邀機會都好大，反而「高風格」今季比較慢熱，如果仲想遠征就要加把勁，最起碼都要快啲贏番場分級賽，扯高番個國際評分至掂！「高風格」歷來累積9W，唔少人都話要寫個服字畀佢，今次增程跑1400米華商會盃，唔知又可唔可以再次發揮巨人殺手嘅本色呢？