意頭馬紛湧現

猪拉多纳

　　昨文提及過新年i號馬，未必係「恩物」，一來，對上三季勝出次數和上名有限數，二來，唔多老利嘅馬號經常出現，所以，硬銷好意頭，可能係美麗誤會。

　　那麼，意頭馬又如何？由於各人在中文字面解讀不一樣，可能你認為呢隻馬有意頭，我覺得寓意未夠，好難籠統劃條線，咩馬名納入意頭名冊！

　　不過，通俗地掃瞄近三季賀歲賽的頭馬名字，又真係有一批意頭馬紛紛湧現，例如2010年「豐衣足食」，2011年「財運」、「幸運來」、「新希望」，上季則有「恭喜發財」、「精彩日子」等意頭馬。

　　上述幾匹頭馬，均有一個共通點，獨贏賠率比較低水，可能係節日效應使然，明明係5倍W，打着意頭馬概念，一人十元八塊，點都會「質」低了賠率，所以，中到呢啲馬，攞彩含量佔大多數，回報唔係高。

　　恭喜發財必「吸飛」

　　打開排位表，「恭喜發財」榜上有名，卻已不是高廐成員，「桃花依舊笑春風」之下，唔知仲贏唔贏得？但「吸飛」能力一定唔細。其實，偶爾在新年應一應節，玩票性質尋找意頭馬，也不為過。