小宇宙縮程求勝

猪拉多纳

　　第九場一級賽1800米。「金秋」初出跑此程即上名，唔係末段被頭馬「勁高手」干擾，攞個第二名過程唔會咁險，雖然該仗全程在內欄慳位，由於第三段步速拖得極慢（慢了超過1秒），佢有本事在直路頭起，由中間位置追到入Q，確唔容易。而前仗馬會盃2000米，蝕分跑追入第五名，賽績放在今場4歲賽夠有凸。經過上場G1敗仗，「金秋」近兩個月嘅操練態度，比之前兩場級際賽嚴謹，唔再係跳三兩課就攞去跑，復課初期重養，之後施以密集式打磨，期間曾加鼻箍試大閘，該閘輕鬆走得好，相信初戴此配備亦唔會有反效果，足以入圍。

　　第十場二班1200米。以「小宇宙」前仗入Q過程推算，轉戰上仗1400米應該掂，點知加程失敗，隻馬大半程在外叠唔多穩定，直路一滴後勁都冇。今仗縮回1200米排好位，情況與近兩場唔一樣，賽事環境可能似番大前仗負於「山頂」一役，若今仗冇步速，可以自己帶，如對手放頭，可守二三位，令爭勝機會進一步提高。