踏入蛇年例有馬贏 葉楚航延續勝纜

猪拉多纳

　　葉楚航踏入蛇年兩戰都有馬贏，年初三贏完「軒轅勇將」，爆出17倍冷門之後，剛戰再贏12倍半冷馬「大有作為」，現時累積29場頭馬，在練馬師榜上步步進逼，保持華籍練馬師一哥地位，而與排名前三位方、蔡、東三廐，只係相差幾場頭馬。

　　今次葉廐出馬算係多，牌面馬亦唔少，熱門有「自成一格」，而有啲錢分則有「利圖」同「勝在分秒」，睇嚟有機會延續勝纜。

　　「自成一格」近績好，其實唔使再點讚，加上，一定係熱門，大家自然會格外留神，唯一係12檔成為爭勝障礙。

　　利圖今仗真波

　　而第二場「利圖」和第四場「勝在分秒」，賠率唔會乏味，隨時今晚齊齊配合出擊。「利圖」陣上愈來愈跑得接近，慢熱馬在短途跑到夠，終於轉向中程發展，潘頓唔放手，呢場應該係真波。

　　「勝在分秒」早在10月於谷草1000米取得兩捷，及後表現平平，可能用力多緣故。今仗表面上多對手，望清楚又唔係想像中咁惡，此馬跑法主動，B欄放出，帶到唔意外。Jack