快馬多要捧勁啲啲

猪拉多纳

　　第七場霍廐「靚橙」剛於香港經典盃被列為後備，最終請纓無路。但話時話，牠無緣角逐經典盃，這或許是件好事，皆因此駒性能獨擅留前鬥後，當日若有份參賽，只會受盡慢步速愚弄，莫講話贏馬，跑P機會也微乎其微。

　　反之，今晚「靚橙」轉戰谷草，二班獎金難與一級賽媲美之餘，對手也盡是年長馬，贏馬難度不低；但細看今場賽事，預計「陽光普照」、「四季」和「喜競寶寶」會搶前走，臨場步速必不會慢，如此正合「靚橙」發揮。只要今仗獲勝，此駒贏馬加分後，一樣有機會晉身打吡，實乃一路奇兵！

　　至於角逐第四場的沈廐馬「勁啲啲」，近仗排檔雖然差劣，卻連番憑後勁追得接近而回，上仗更僅負短頭入Q，早已證明本身並非普通四班貨。今仗抽五檔出閘，同場又多快馬，客觀形勢已可謂配合得天衣無縫，照計篤定穩勝。賭博士