有膽識當打用盡

猪拉多纳

　　韋達與潘頓鬥到白熱化，成為眾人焦點所在，但就係因為呢個緣故，好多時令我們忽略了其他騎師。奉勸刨馬時，唔好太過集中在二人身上，反而，有時要多加挑剔他倆坐騎，免得有損失。

　　第二場四班1650米。「馬得利」之前贏谷草1200米，上場加程至一哩，結果後上第四名，若果當時人與馬發揮略佳，本有上名資格，由此可知，方仔唔再畀此駒跑短途，其實係好正確。有過一場經驗，期望有進步，如果睇埋隔夜飛，呢場大有決心補中。

　　第三場四班1000米。「有膽識」最近四仗之中，係得前仗表現差，餘下三場均跑入前三名，表現可人。雖然此馬唔會係高班材料，勝在目前當打，而睇老苗心態，亦想搏得就搏，今次返回最首本路程，機會提高。

　　自成一格愈贏愈易

　　第八場三班1650米。「自成一格」已經連續4場跑入前兩名，近兩仗更有愈贏愈易之感，此匹4歲馬目前處於勇境。是次升上三班角逐，對手係增強，但突然減負12磅，點會冇幫助。難得韋達可能超磅都要騎，此駒又好鬥志，依然要看重。