巫斯義福譽吐烏氣

猪拉多纳

法系猛將巫斯義近期手風欠順，兼且頻頻畀人「爆樽」，唔少原本由佢騎嘅馬都換人得手，好似上個月6日，「橫掃千軍」、「神州八號」同埋「綠豆爽」三隻上鋪用巫斯義嘅馬都易配建功。就算尋日跑第二場四班千二嗰隻「仁心仁術」，都係同程用巫斯義輸七個幾馬位跑尾三，今次搵韋達幫手即刻變身輕鬆贏馬，相信老巫自己都覺得好無癮。
       

好彩巫斯義都識得知恥近乎勇，兼有高伯新呢個好拍檔，繼續畀番連續兩仗獲亞嘅「福譽」佢騎，老巫今次果然不敢怠慢，沿途走位機警之餘，拉士力抗「勝利福星」嘅衝刺，替馬匹贏今季第三W，兼幫自己打破個半月無馬贏嘅悶局及取得一年多以來首場大熱頭馬，總算一吐烏氣。