馬模爭霸大起卡爾馬

猪拉多纳

二線波瑞典超好玩之處，在於年年冠軍都唔同，上季艾夫斯堡奪冠，當地人今季就睇好馬模。今晚馬模主場對卡爾馬，邪神有預感會係一場大比數賽事，原因係馬模條前鋒線執得靚，卡爾馬亦有一定攻力，大家不妨掃幾個大波膽，或者總入球5、6、7+玩玩。

馬模今季喺比甲球會真特簽到件好嘢馬奴斯艾歷臣，國內對呢位瑞典青年軍評價唔錯，佢加盟後第二場聯賽就開齋，開靚個頭有前途。卡爾馬前仗作客入三粒，攻力唔弱，今場實聽同馬模做大騷啦。

（周日晚9時開賽）