車仔中場勁 唔驚藍月亮

猪拉多纳

盃賽叫兩飛愈踢愈順

今晚英格蘭足總盃4強重頭戲，車路士同曼城喺中立場溫布萊對壘，雙方對冠軍都虎視眈眈，必有一番龍爭虎鬥。車路士隨住中場線發揮上佳水準，戰績亦愈來愈好，上周中雖然作客輸畀魯賓卡山，但都夠入4強，依家兩個盃賽都叫緊胡，當然想再進一步。由於喺足總盃係衞冕身份，佢哋肯定畀多兩錢肉緊，張峰今晚力撐車仔受讓1.63倍「讓球主勝」。 （now633及660台、廣東體育周日晚11:00直播）
藍戰士前中後交到貨

車路士前鋒丹巴巴亞上一圈福至心靈，一個高難度嘅掛射將曼聯淘汰，另一位前鋒費蘭度托利斯喺歐霸盃經已重拾射門鞋，今場隨時又有士哥。至於一眾中場猛將好似桑馬達、夏薩特等狀態極佳，令車仔進攻極具侵略性，就算老大哥林柏特今季上陣次數減少，但表現全無走樣迹象，每次落場都交到上佳水準，入波應該唔成問題。防守方面，門將施治對曼聯有一個神級撲救，絕對可以叫廣大車迷放心。
曼城足總盃未受考驗

曼城喺晉級過程可以話十分輕鬆，除咗對過史篤城一隊英超波外，其餘都係低組別球隊，根本未受過考驗。今季喺聯賽對車路士未輸過，張峰絕對認同曼城嘅實力，不過兩對車仔對方內部都處於動盪時期，所以今晚再碰頭曼城未必好似之前咁佔得優勢。毫無疑問，啱啱復出嘅阿古路狀態唔錯，上仗對曼聯射入一個精彩入球協助「藍月亮」贏波，既然雙方旗鼓相當，五五波梗係支持受讓嘅車仔划算啦！

張峰來料：車路士（讓球主勝）
英總賽制

現時為4強階段，如法定時間內打和將加時30分鐘，再和則互射12碼決勝。
車仔足總盃旺開雙

‧曼城今屆足總盃4戰攻入13球不失1球。

‧車路士今屆賽事6戰開出5次「入球雙」。

‧車路士過往6屆足總盃4闖決賽封王。
鬥踢穩陣波博入球細

今晚英格蘭足總盃，一隊係近6屆入親4強都捧盃而回嘅衞冕車路士，另一隊就係今屆賽事喪入13球兼一球不失嘅曼城，兩強對碰輸贏好難講，但話晒差一步就踏入決賽，預計雙方戰術都會以穩守為主，入波未必多，1.9倍入球細博得過。