新特蘭回勇受讓嗒糖

猪拉多纳

新特蘭上輪作客以三比○擊敗同區嘅紐卡素，演出突然有大幅度改進，相信同意大利狂人教頭迪肯尼奧有關。做領隊唔單止要制訂適合嘅比賽策略，更重要係提升球員作戰心態。今個周末新特蘭就會喺主場對「拖肥糖」愛華頓，肯定畀到愛華頓唔少壓力，今場讓球盤口為新特蘭受讓平半，度士揀下盤。

（有線301及201台周六晚10時直播）
迪肯尼奧提高球隊凝聚力

迪肯尼奧係一個好有凝聚力嘅領隊，相信球隊可以繼上周打吡戰之後，再一次交出好表現。賽前佢就謙稱打吡戰之勝係球員努力成果。表面睇落係客套說話，實際反映出迪肯尼奧好識得鼓勵球員。大家都知球季已經進入最後直路，依家叫新特蘭改戰術轉打法未必係好事。故此迪肯尼奧決定集中提升球員士氣，對於新特蘭更有幫助。愛華頓今季目標係來屆歐洲賽席位，不過近幾場作客贏唔到，今次讓波似乎有危機。