漢諾威主場硬淨偷仁雞

猪拉多纳

拜仁慕尼黑已於德甲封王，現在劍指歐聯，今周聯賽作客漢諾威已成例行公事，預期佢哋會出副選，肥叔當然唔敢睇小拜仁班二線兵啦，問題係作客都要讓到一球、球半，個盤太辣喇！漢諾威並非前列球隊，但佢哋主場好硬淨，上次輸波已經係去年十一月，趁對手分心，絕對有本錢偷雞，一於博下盤！

（有線61台周六晚９時30分直播）
拜仁留力歐聯砌巴塞

歐聯四強喺嚟緊周中上演，初盤拜仁慕尼黑主場讓巴塞隆拿平半，唔少散客見到巴塞受讓即時雙眼發光，個個一窩蜂捧下盤。德甲同西甲各有兩支代表出戰四強戰，肥叔今屆睇好德國波多啲，拜仁個勢好好，下季有埋巴塞舊帥哥迪奧拿仲犀利，睇怕巴塞未必過到呢關。多蒙特喺分組賽鬥皇馬擺明高啲，兩隊德國波都有料到，唔好睇小佢哋啊！

至於同日英超賽事修咸頓作客史雲斯，修咸頓下半季踢到曉飛，連場戰勝車路士及利物浦等實力分子，護級壓力大減，家陣佢哋具備英超中上游球隊嘅戰鬥力，但實際評級仲係較低，今場仍然有得受讓平半，個盤相當抵玩。史雲斯贏完聯賽盃後季尾踢緊風流波，唔會阻住地球轉，呢場都係要下盤。

（有線202及302台周六晚10時直播）
肥叔心水

史浩克04 上盤

漢諾威 下盤

諾域治 大

修咸頓 下盤

貝迪斯 下盤

雲達不來梅 大

利雲特 下盤

馬拉加 下盤