狼堡立「不」敗之地

猪拉多纳

今晚（六）57場德甲，兩支由勁旅變成聯賽榜下游球隊嘅雲達不來梅同禾夫斯堡將會碰頭，主隊不來梅已經8輪聯賽冇贏過波，反而作客嘅「狼堡」近6戰作客居然有3勝2和1負，上仗畀強勢嘅拜仁大炒只係非戰之罪啫，何況佢哋嘅奧歷同迪亞高近排踢得相當醒神，小妹相信佢哋頂得住唔輸，一於捧1.8倍「讓客」啦！至於（六）45嘅英甲賽事，就有同樣風光過，但來季篤定降落英乙嘅樸茨茅夫迎戰錫菲聯，既然主隊肯定要降班，士氣唔會好得去邊，反而錫菲聯家陣個升班附加賽資格未算穩陣，相信會趁機全取3分買個心安，加埋前鋒傑臣近排態勇，一場大屠殺都少不免，2.82倍「讓客」值得博0架！