祖記ＡＣ對攻大駁火

猪拉多纳

意甲壓軸好戲為祖雲達斯主場對AC米蘭。先講單賽前消息，AC米蘭為巴洛迪利上訴有結果，「巴神」由原先停賽三場改為停賽兩場，即今場對祖雲達斯仍然無法上陣。但無論巴洛迪利出場與否，AC米蘭都要為聯賽亞軍繼續努力，今場如常保持進攻求勝心態。祖雲達斯於歐聯及意盃出局，球隊現可全心投入衞冕聯賽當中，今場一樣會踢得積極。既然雙方都唔會作任何保留，料會踢得較為開放，大盤可捧場。

（中央5台周一凌晨2時45分開賽）
柏仙尼難得正選必拚

AC米蘭缺少「巴神」，今場好大機會由艾沙拉維與柏仙尼合作攻堅。其實「巴神」回歸意甲後，柏仙尼比賽場數明顯下滑。難得今場有得打正選，柏仙尼肯定會珍惜機會，盡可能表演自己。除咗話要爭番個正選位之外，更重要係重返國家隊。老實講，柏仙尼入球能力冇減弱，今季已經取得13個聯賽入球，只係比首席射手艾沙維少3粒。但大家唔好忘記，柏仙尼出場時間唔及得艾沙維拉咁多，計效率絕唔失禮。柏仙尼肯畀心機踢好波，AC米蘭一樣有強大入球能力。

祖雲達斯為今季意甲其中一支得球最多球隊，攻力唔使懷疑。最恐怖「斑馬兵團」進攻點極多，唔係由單一球員包辦大量入球，呢點令對手更難應付。最近教干地又有新搞作，將防守中場馬治斯奧移到前場協攻，應可進一步加強球隊攻力。預計今場比賽都幾可觀，入球數字亦會偏高，捧「大」就最好不過。