帕爾馬頂得住國米殘兵

猪拉多纳

意甲早場國際米蘭主場迎戰帕爾馬，國米仲爭緊下屆歐戰入場券，帕爾馬已經踢緊風流波，表面睇主勝機會高，不過Ali唔相信帕爾馬會放軟手腳，國米目前狀態低迷，仲有超過半隊主力唔踢得，帕爾馬大有機會再喺國米身上攞分，推介「讓球客勝」。

（周日晚6時30分開賽）
國米半隊主力缺陣

國米近況真係曳到暈，近5場聯賽竟然輸咗4場，啱啱上周中意大利盃準決賽次回合，主場一度領先下都要輸多次畀羅馬出埋局，整體表現令人十分失望，教練施特拉馬斯安尼嘅前途亦亮起警號，事實上佢真係唔好彩，陣中翼衞長友佑都、中場甘比亞素、穆汀加爾、加根奴、前鋒卡斯辛奴、柏拉斯奧同迪亞高米列圖全部因傷缺陣，守將捷禾亦因傷上陣成疑，何況對羅馬嘅意大利盃搏得好盡，喺冇咗大半隊主力下難以輪換，疲兵再戰實力好難轉弱為強。

帕爾馬近況亦唔係好，位列中游冇嘢爭，不過球隊喺鄧納東尼帶領下，本季整體演出水準確有長足進步，鄧納東尼有意轉飯鑊執教更有級數球隊，有咁嘅目標當然要攞番好啲成績至吸引到人，呢班波向來幾神經刀，首循環就曾經贏過國米，目前陣中只有中場馬列加養傷，守將柏列達停賽，人腳較齊，以逸待勞足以頂得住國米殘兵，受讓值博。
Ali 推介：

帕爾馬讓球勝　★★★★

費倫天拿大　★★★

羅馬大　★★★