拖連奴低潮 頂唔住費倫

猪拉多纳

世界各地連環出現不幸事件，facebook日日都有人留R.I.P.，其實R.I.P.也好、安息也好，都只係生者對死者送上最後嘅祝福，何必要拎嚟大做文章，話人哋唔係出自真心？話自己個fb被死者「洗版」？沒有最冷血、只有更冷血，尋日四川雅安地震，有網民竟然喺fb留言「熱烈地彈琴熱烈地唱」、「抵死」、「天譴」等唔係人講嘅說話，究竟呢班人咩心態？天災同政治有乜關係？係咪所有災民都曾經去過香港隨地大小便，所以死有餘辜？定還是呢班網民覺得凡生於國內者，盡皆抵死？小妹睇留言嗰陣，一路睇、一路嬲、一路想喊，香港人，做乜變成咁？

意甲費倫天拿目前落後3哥AC米蘭4分，仲有機會爭前3，餘下比賽肯定搏盡。曾經踢過曼城嘅中場大衞比沙路近排助攻助守着晒火，上仗更有1球士哥，就算前鋒祖維迪同東尼上陣成疑，火力一樣唔使擔心。對家拖連奴近3場聯賽只係拎得1分，狀態低沉，主因係守將奧邦拿好有機會喺下季轉投曼聯，近排經常Hea踢，防線穿窿，今晚面對費倫隨時大敗一場，「讓主」有2.2倍，可以一試。
年少多好……

下雨天總掛念從前……大家仲記唔記得自己讀書嗰陣，係幾咁善良同天真無邪呢？小妹記得，更加記得老師講過人性本善，只係長大後受社會壓逼，先搞到人性扭曲而已。

推介：費倫天拿（讓主）