科隆殘陣冇得「伊」

猪拉多纳

唔少球迷都將今晚焦點放喺尾輪嗰2場直播波身上，不過如果講好賭，力奇反而認為頭輪有更好選擇。（一）6杜伊斯堡對科隆，雖則話客隊要搶分爭升班，但今鋪佢哋有3名主力停賽，殘陣兼作客讓波，點捧得落手？撐1.73倍「讓主」好過啦！
扒冷博埋西里安斯卡主W

德乙淨番5輪賽事，排第4位嘅科隆依家同「3哥」凱沙羅頓爭緊個升班附加賽席位，科隆打少場落後3分，形勢唔算太差。不過佢哋前仗作客不敵凱沙羅頓真係幾洩氣，加上近日爆出主帥史坦尼斯拿域斯基同前鋒捷希不和，內部軍心不穩，對住近4場聯賽不敗嘅杜伊斯堡，你估話贏就贏咩？

另外嗰場（一）3西里安斯卡主場對諾高平，主隊開咧4場未贏過排15，對住第7位諾高平，瓣主W2.57倍竟然唔冷得過客W2.42倍幾多，睇落對主隊幾有信心，雖然足智彩冇開亞洲盤，但大家都可以小注博吓個主W。