卡維尼甩包袱更輕鬆

猪拉多纳

英甲球隊卡維尼上輪以一比二不敵奧咸，分數上已無法打入積分榜頭六名，無緣升班附加賽。不過，球員及領隊列治巴卡就話希望爭取較佳排名完成今季賽事。今場卡維尼將於主場對普雷斯頓，卡維尼應可輕取對手，主W值得捧場。

（周三凌晨2時45分開賽）

卡維尼本來對爭入頭六名信心十足，無奈上仗落敗令升班美夢幻滅，不過失去目標未必係壞事，起碼球員比賽時唔會太過拘謹，或比以前更加放膽進攻。老實講，卡維尼上季仲喺英乙作賽，今季喺英甲能夠打到中上游已經好叻仔，升唔到班都冇人鬧佢。
普雷斯頓作客蝕章

反正依家卡維尼冇晒包袱，加埋有主場球迷打氣，今場絕對有力擊敗普雷斯頓。雖然話普雷斯頓近況唔差，但要留意近幾場勝利都係主場波，作客肯定要打番折扣。普雷斯頓形勢上較弱，今場主W較為可取。