紐維爾舊生主場再搣菲

猪拉多纳

南美自由盃16強首回合上演阿根廷球隊內訌，由紐維爾舊生主場對沙士菲。兩隊剛啱喺阿甲對賽，結果紐維爾舊生作客照贏三比一，轉戰自由盃紐維爾舊生必定踢得更加「肉緊」，況且有主場之利，爭勝條件更見充分，主W開出機會高。

（周四早上8時15分開賽）

紐維爾舊生近期賽程都幾密，但成績未受到太大影響，4月中喺聯賽殺敗堤格雷，剛賽又贏沙士菲三比一，今場大可以乘勇再下一城，值得留意雙方近三次對賽都係紐維爾舊生勝出，球員喺心理上有一定優勝。若論主隊孭飛球員，非伊拿斯奧史高高莫屬，佢幾年前去過ＡＥＫ雅典及艾阿恩効力，浸過鹹水成個人都醒神晒，除咗喺阿甲有好表現之外，今季喺自由盃射手榜更並列第二位，紐維爾舊生靠晒呢位當弗前鋒爭取「士哥」。
沙士菲闖16強靠運

沙士菲喺分組賽表現唔差，但要留意同組球隊係來自水平較低嘅厄瓜多爾及智利，沙士菲能夠晉級16強冇乜特別，如今遇上阿甲前列球隊紐維爾舊生，沙士菲毫無優勢可言，主W超過2倍值得捧場。