皇家加斯拿素發維搶Ｗ

猪拉多纳

南美自由盃16強首回合，由秘魯球隊皇家加斯拿素主場對烏拉圭蒙特維多國民隊。皇家加斯拿素係一支「後生」球隊，上位速度極快，能打入南美自由盃淘汰賽階段絕非符碌，今輪面對蒙特維多國民隊有力再添勝仗，1.58倍主W靠得住。

（周五早上9時15分開賽）

來自秘魯嘅皇家加斯拿素喺2009年先成立，但佢哋勝在有活力，喺2011年贏得秘魯盃取得首項錦標，之後2012年喺仲攞埋秘魯聯賽亞軍，認真後生可畏。喺今屆自由盃分組賽其實兩支秘魯球隊，但就只有皇家加斯拿素可以逃出生天進入16強，更重要係佢哋「一世夠運」，淘汰賽未遇到水平較高嘅巴甲或阿甲球隊，皇家加斯拿素當然會把握良機，喺首回合全力爭勝，務求先下一城。
蒙特維多國民隊飛數冷落

蒙特維多國民隊係三屆南美自由盃冠軍，論名氣一定在主隊之上，但今場只屬首回合賽事兼作客，故盤口異常冷落，似乎操盤手對於佢哋有所保留，加上從西甲回流嘅進攻中場艾賓冇貨交，難以對皇家加斯拿素構成太大威脅，主勝值得捧場。